Singer/actress, ginagamit na ang utak
Jun Lalin


PINAG-UUSAPAN ang singer/actress na ito sa society world dahil sa kanyang latest asset.
Diumano, nakabili ng more or less 2,000 square meter lot sa isang posh village sa Makati City ang singer/actress at malapit nang simulan ang construction ng bahay na ipatatayo nito roon.
Sa stature ng singer/actress, masasabing malaki na rin ang kinita niya at marahil ay can afford siyang makabili ng ganoong property sa posh village.
Alam kaya niyang may kumakalat na tsismis na courtesy ng isang mayamang boyfriend ng si­nger/actress ang property na ‘yon?
Ang tinutukoy na boyfriend ng singer/actress ay dating involved sa isang malaking network.
Pagdating sa pera, na­pa­kayaman ng lalaking ‘yon.
Kung totoo ang tsismis na ‘yon, maraming matutuwa dahil ginagamit na ni singer/actress ang kanyang utak, unlike before na mas bata sa kanya ang mga la­laking nali-link sa kanya.
Ang ‘tulay’ ng singer/actress at ng boyfriend niya ngayon ay ang isang controversial actress.
***

---