Company ID ko,


Na-miss kita ah! Pasensya ka na ha? Sa pagmamadali ko kanina dahil baka ma-late ako, naiwan kita. Kasi naman hindi ako nagbitbit ng bag kaya walang nagpaalala sa akin na naiwan kita. Naalala lang kita nung papasok na ako ng opisina. Lahat ng kasama ko hinihila yung leeg nila para mapatunog ng "toot!" yung ID nila sa pinto at para makapasok sila sa loob. Pagkapa ko sa leeg ko, dun ko na-miss yung pagkakayakap mo lagi sa leeg ko. Hays... Ayan tuloy, temporary ID ang kasama ko na isinukbit sa leeg ng ewan ko kung sino bago napunta sa akin para isuot. Tampulan pa ako ng tukso kasi hindi naman tumutunog ng "toot!" sa pinto ng opisina yung temporary ID ko kailangan pang may makakasabay ako sa pagpasok at paglabas ng opisina.

Kaya hayan... isasabit na kita sa leeg ko bago ako matulog... siguradong hindi na kita maiiwan. Sana lang maalala kitang isuot ulit pag hinubad kita pag naligo ako mamaya bago pumasok. Isabit na lang kaya kita sa pintuan para kita kita bago ako lumabas ng bahay? Ilagay na lang kaya kita sa bulsa ng jacket ko? Pero papaano kung makalimutan ko ang jacket ko? Eh di maiiwan ka din. Tsk! Aaahh... sa salamin na lang. Kasi siguradong magsasalamin ako eh. Pero aalisin din kita pag nanalamin ako... Ang gulo...

Sige na nga diyan ka na lang sa kinasasabitan mo ngayon! Dyan sa may hagdanan... Sitsitan mo na lang ako mamaya. Syet antok na yata ako talaga at kinakausap kita!



Ako

---