Hayop ka nga lang. Wala sa iyo ang lahat ng karapatan. Wala.

Baka isipin niyo naman may naka girian ako dun sa mga tambay ah, wala. Yang sinasabi ko patungo sa ating mga tao. Dahil sa totoo, hayop lang tayo, katulad nung unggoy sa gubat o nung kamelyo sa disyerto.

Angal? Magsabing hindi siya hayop malaki kang tanga. Kaya ka nga tinawag na Homo Sapiens, hayop ka, kala mo lang hindi, yumabang nagkaron lang ng superyor na utak. Mammal ka nga eh, katulad ng unggoy at ng Blue Whale. Hindi ba hayop yun?

Yun ang magiging haligi nito gusto kong ipalagay. Hayop lang tayong nakataas, lumaki na ulo natin.

Siguro ang gulo ko pa, sige sandali lang.

Okay.

Sabi ko nga sa taas, hayop tayo. Wala akong intensyong magpakababa ng loob, gusto ko lang na iparating na hayop tayo, nakataas man tayo, hayop pa rin tayo. At bilang hayop katulad ang karapatan natin tulad sa ibang nakakababang hayop. Kahit nakakataas tayong mga tao, kahit anong mangyari, parte lang tayo ng isang mas malaking sistema ng mga hayop, halaman at mga hindi nabubuhay na bagay.

Ang tao, anong ganang talino ay parte lamang ng tinatawag na kalikasan, kaya wala tayong karapatan mag diyos diyosan sa mundo. Wala kang karapatan, puro ka kayabangan.

Naisip ko lang to kasi nanood ako ng Planet Earth series na documentary tungkol sa mundo. As in yung mundo inexplain at dinescribe at sinabi kung ano yung iba ibang sitwasyon kinaharap natin. Ayun, kumukulo kaluluwa ko nung iniinterview nila yung mga iskolar at mga propesor tungkol sa kalagayan ng mundo. Halata namang hindi maganda ang lagay ng mundo diba? Yang Ondoy nga lang malaki ng ebidensya.

Pero ang sumira dito sa mundong dating maayos ay yung mga mayabang na hayop na kala nila sila lang ang mga hayop na pwedeng gumamit ng mundo.

Alam mo ginawa nung mga walang hiyang hayop? Ayun sinira nila yung gubat, ayun sinunog yung goma, ayun tinapon yung balot ng kendi sa may canal, ayun umutot ng usok ng paktory, ayun tinapon yung mga tae nila sa may Ilog Pasig. Tuwang tuwa pinapabaho yung hangin na hinihinga nila, tuwang tuwang dinudumihan yung lupang inaapakan nila, tuwang tuwang ginagawang pozo negro yung kulay ng Mineral water. Yan ang mga matatalinong hayop, ang mga dakilang mamamatay kapwa-hayop.

Pero hindi alam ng mga matalinong hayop na ito, na puro katangahan lang ginagawa nila. Hindi nila alam na yang katalinuhan na taglay nila nagdulot pa ng katangahan. Sirain ba naman yung mundong tinutuluyan eh, hindi pa ba tanga yun? Buti sana kung yung talino natin kayang gumawa ng Earth sa Mars, eh problema hindi pa nga nakakahanap ng solusyon tong mga matatalino daw na mga hayop kung pano tatanggalin yung dumi ng Payatas eh.

Nakakataas nga tayo sa katalinuhan, hindi naman natin ginagamit. Yan puro katangahn ginagawa. Kala kasi ng tao, matalino siya pag kumita siya sa punong pinutol niya ng ilegal. Hindi niya alam, na pag inubos niya lahat ng mga punong yan, siya dun ang malulunod pag bumaha ang Ondoy.

Diba nga sabi ko pantay pantay lahat ng mga nilalang sa mundo.Sa ginagawa nating mga katangahan, pinapatay natin yung mga ibang nilalang na walang kamuwang muwang sa buhay ng mga tao. Habang mas nagiging madamot tayo, tinatanggalan natin ng karapatan tong mga hayop na naninirahan sa mundo. Nagmumukha tayong mga walang kwentang mga kaluluwa na sarili lang na buhay ang pinahahalagahan.

Kasi tatandaan natin, nauna ginawa ng Diyos ang mga hayop kaysa sa tao, ibig sabihin, pinahalagahan din ng Diyos yang mga hayop na ginugutom at pinapatay natin. Ang labas tuloy natin, tayo yung mga sumisira ng gawa ng Diyos.

Gusto ba nating maging masama sa mata ng Diyos? Na iniisip ang sariling kapakanan, sariling pagkita ng pera kapalit ng buhay ng mga puno at mga hayop na pag nawala ay mas malaki ang balik sa ating kamalasan?

Eto, isipin mo, ilan ang tao sa mundo? Sabi daw nila anim na bilyon. Marami yun. Maraming marami. Pero isipin mo rin to Ilan lahat lahat ng ibon. Ilan lahat lahat ng isda? Ilan lahat ng ipis sa kanal? Ilan lahat ng daga sa bubong. Ilan lahat ng elepante sa Aprika? Ilan lahat ang puno ng akasya? Ilan lahat ang puno ng Narra? Pagsamasamahin mo lahat yun, tignan natin kung hindi ka maduling sa kakabilang at siguradong matatanto mo na yung anim na bilyong tao sa mundo ay napakaliit na bahagi ng lahat lahat ng bagay na may buhay sa mundo. A millionth of a millionth nga lang tayo eh.

Ibig sabihin, lahat ng karapatan nila mabuhay ay sa kanila at walang tayong karapatang pagbabarilin sila at gawing mga jacket na ubod ng kati at ubod ng mahal. Dahil hindi lang tayo ang mahalagang mga nilalang sa mundo, dahil kung tayo lang ang mahalaga, wala ka ng makikitang aso at pusang naghahabulan.

Kaya alalahanin mo palagi habang nagsusunog ka ng sigarilyo, habang tinatapon mo yung mapanghing laman ng arinola sa may Ilog Pasig, na sa ginagawa mo, may isang isdang nalalason sa ihi mo at ibong nabibilaukan sa usok mo. Isipin mo bago ka magputol ng puno, na may tatlong unggoy na nakatira sa tuktok na mawawalan ng tirahan.

Tandaan mo, na hayop ka lang katulad ng ibang hayop, at parehas kayo ng karapatan sa buhay. Naging mas matalino ka lang, kaya wag kang magpakatanga na kitilin yung buhay ng mga walang muwang na mga buhay dahil sa katangahan na yan, sa pagpatay mo sa ibang nilalang, yan din ang papatay sa iyo balang araw. mamalasin ka rin.

Eto nga, nanood ako ng TV patrol, yang mga namatay sa Ondoy, tao rin may kasalanan niyan eh. Biruin mo mamamatay-hayop na nga tayo, pati tao kaya na natin patayin, nagpa-usok ka lang sa factory niyan ah. Wala pang baril at saksak. Nakapatay na tayo. Leche.

Kaya ngayon magbago na tayo.

Gamitin mo ang talino mo sa ikakapahalaga ng buhay at hindi sa pagkitil.

Ayaw mo namang maging asal hayop diba?

Hayop ka na nga, mag asal-hayop ka pa.

Magpakatao ka naman.

Tayo.





Pasensya mahaba. Kumukulo lang talaga dugo ko. Medyo magulo nga lang, kasi parang haywire lang thoughts ko eh.



Bisita ka.

http://bukaykay.b logspot.com

---