Chapter 1 http://www.tristancafe.com/forum/153729
Chapter 2 http://www.tristancafe.com/forum/153816
Chapter 3 http://www.tristancafe.com/forum/154149
Chapter 4 http://www.tristancafe.com/forum/154184#c6346227
Chapter 5 http://www.tristancafe.com/forum/154250#c6352610
Chapter 6 http://www.tristancafe.com/forum/154378
Chapter 7 http://www.tristancafe.com/forum/154483
Chapter 8 http://www.tristancafe.com/forum/154884
Chapter 9 http://www.tristancafe.com/forum/154986
Chapter 10 http://www.tristancafe.com/forum/155399

Warning: Masakit pa rin pakiramdam ng inyong abang lingcod.. pero dahil mahal ko kayo, ipopost ko pa rin ang chapter 11 dahil alam kong naghihintay kayo sa aking update. Hehe. But before I begin, I want to acknowledge first my readers. I want to thank you all for the inspiring comments you had given me, in return I want to state some names which really make my heart flutter with their support. Thank you kay Kevin na kahit adik, mahal ko yan.. hehe.. Siya lang yung taong sobra magflood kapag magcocomment sa post ko, kay sweet tooth19 na nagtanong kung kelan pa naging benzent si Vincent.. ewan ko my dear pero sa pagkakaalam ko term of endearment nya ito kay Vincent.. (kung di ako nagkakamali. ^_^), aiszle na naghintay ng 3 years para sa update ko..( Sorry po.. brainstorming ang drama ng lola nyo.. ), to misz masungit na di pala chaka ang story at ang otor..hehe.. (buti na lang..kasi mumurderin ko sya dito sa post ko.. nyahaha..), kay Drexel na gigil na sa next chapter.. J , lila82 na nagulat daw sa guts ni Joy.. (modernang pilipina kasi sya e.), sa kapatid kong si frann na kahit now lang binasa ang chapter 3 to 10, feel na feel ang story.. (salamat sis.. miss you too..) , kay mommy anyD ..(basahin mo ito mama.. baka busy ka lang kay mine??nyahahaha..), kay happy forever na smiley lang ang comment pero nakatawa.. (pwede na rin..pero sana may words…hehe..) at sa lahat ng mga bumasa pero di nagcomment.. salamat pa rin po!

Tune in to Vincent’s story regularly.
Satisfaction guaranteed.

Sincerely yours,
“LARA” aka Iversonkoh24

Continuation..

Nagdaan ang ilang lingo, mid June na, ganun pa rin ang mga eksena sa trabaho, lagi kaming sabay ni Joy sa lunchbreak. Minsan siya ang nauuna sa canteen, minsan ako ang naghihintay sa kanya. Di na nagbago ang nakaugalian namin na iisang baso lang ang gagamitin. Habang tumatagal, napapansin ko ang mga katangian na hindi ko man nababatid dati kay Joy dahil absorbed ako noon kay Jess. Si Jess nga pala, di na nagparamdam ulit pero parang wala na akong pakialam kung ano pa ang sasabihin nya. Nakalimot na rin ako dahil kay Joy. Siya ang naging “gamot” sa nasaling kong pride dahil sa kanya na nabaling atensyon ko. Magmula ngang tinanong nya sa akin kung may balak ba akong manligaw sa kanya, di ko pa rin maamin na unti unti ko na siyang nagugustuhan. Magkagayon man, mas naging sweet kami sa isa’t isa, di ako pumapalya sa paghatid ko sa kanya tuwing uwian. Kung makikita mo kami’y para kaming magkasintahan kaya ang mga kasama ko sa trabaho’y di magkamaliw sa pambubuska sa amin. Akala ko yun na ang magiging estado ng relasyon namin dahil sa pagiging torpe ko.

Papasok na ako sa aming department ng nakita ko si Joy sa tapat ng pinto nila. Babati na sana ako sa kanya pero napansin kong may kausap siyang lalaki, kasama niya sa sales department. Uminit ang ulo ko sa tagpong iyon dahil di nahahalata ni Joy na sumisimple sa pagtsansing sa kanya ang manyak na sales rep na yun. Nagpatuloy ako sa aking paglalakad dahil baka di ako makapagpigil sa aking sarili. Tuloy tuloy ako sa aking cubicle at nagsimulang magtrabaho. Si Arsenio naman ay nagtataka sa mga ikinikilos ko dahil di ko sinabi sa kanya ang nakita ko. Lumipas ang mga oras, di ako nakisabay kay Joy sa oras ng break. Nagkasya ako sa sandwich na dala ko sa isang mesa na malapit sa kanilang magkakadepartment, andun din yung manyak na lalaking iyon.

“Pare anong problema? Bat kunot na kunot ang noo mo? Para kang kakain ng tao sa itsura mo ah?”
“Wala ito pare, medyo badtrip lang ako sa araw na ito..”, sabi ko sa kanya. Di ko namalayan na lumapit sya sa mesa ko.
“Badtrip? Ano ang dahilan pare? Kanina ka pa dyan walang imik e. Tsaka di kita nakita na kasama sa canteen si Joy. May LQ ba kayo?”, pagbibiro ni Arsenio sa akin.
“Pare ok lang kami ni Joy, di ko lang maiwan ng matagal yung mga inventories, sobrang dami pa yung ichecheck ko. Nagmadali rin akong bumalik dito.” Pinagdasal ko na sana convincing yung sinabi kong dahilan sa kanya. Nagkibit balikat lang siya at umupo na sa kanyang cubicle. Wala akong magawang tama sa aking trabaho, napapatingin ako sa kawalan dahil sa lalim ng aking iniisip. Wala na akong pagasa kay Joy! Bakit ba kasi ganun ang reaksyon ko? Para akong boyfriend nya nagtatampo at nagseselos. Pinilit kong huwag maapektuhan ang ginagawa ko. Di ko na namalayan na uwian na pala. Di ako mapakali sa oras na yun, baka di kami magsabay sa paguwi ni Joy. Di ko matanggap na ang lalake na yun ang maghahatid sa kanya. Feeling ko sasabog ako sa galit at selos sa naimagine ko. Palabas na ako sa department namin ng tumunog ang celphone ko. Di ko inaasahan na magtetext sya sa akin.

Benz, hntayn kta sa lbas.

Sender:
Joy
+6391512242003

Sent:
07:01:15pm
6-13-06

Akala ko di na kami magpapansinan ni Joy dahil sa ginawa ko. Nung nasa labasan na ako, nakita ko syang naghihintay. Pagtingin nya sa akin, di siya ngumiti. Galit siguro siya sa akin. Lumapit siya at nakisabay sa akin sa paglalakad.

“What’s wrong Benz? Bakit ka nagkaganyan?”, tanong nya sa akin. Di ako makatingin sa kanya kaya sa daan ko ibinaling ang aking mga mata.
“Pagusapan natin sa daan pauwi.”,sagot ko.
Habang nasa daan, nagtanong siya ulit sa akin.
“Bakit ganun ka maghapon? Ang sungit mo. Di ka man lang sumabay sa akin kanina.”
“Galit kasi ako sa iyo. Bakit mo kausap iyon? Parang enjoy ka pa e.”
“Kulitan lang yun Benz. Wala sa akin yun.”
Napalingon ako sa kanya, “Lalaki ako Joy, di simpleng pakikipagkulitan ang motibo niya.” Tumaas ang boses ko dahil naalala ko na naman ang ginawa nung lalaki kanina sa kanya.
“Hmmn, nagseselos ka ba Benz?”
Di ko na napigil pa ang sarili ko, sinagot ko ang tanong nya. “Oo nagseselos ako ,mahal kita.. ayaw ko na binabastos ka.. nagalit ako kasi di mo man lang sinasaway... mahal kasi kita Joy.”

To be continued..