Isa sa binigyang diin ni GMA sa kanyang State of the Nation Address nitong Lunes ay ang pagbaba ng textmessaging fee sa sikwenta sentimos mula sa pisong kada text.


Pero ayon sa Smart Telecom., tatlong buwan lamang o hanggang Oktubre lamang ang itatagal ng nasabing presyo ng text.




Aysus ginoo! Palibhasa mayayaman at mga post paid tong mga hinayupak na nasa pamahalaan na toh e kaya walang nalalaman!


Sana maisip nilang wala namang makikinabang sa 50 cents/text na yan.

Una, kailangang pang iregister bago mo ma-avail ang 50cents/text sa ibang network! E wala naman silang ipinapalabas kung paano ang pagregister. At panigurado, dahil sa tuso ang mga negosyanteng yan pahirapan yan sa pagregister.

Pangalawa, kung ako mas gugustuhin ko pang magpaload na lang ng AllText20 na may 100 texts smart to smart at smart to talk and text at may 10 texts pa to other network. Kasi lumalabas na 20 cents lang ang bawat text. Di pa hassle sa pagreregister. May kaparehong promotion din naman ang Globe diba. Sa sun, mas makakasulit pa din, meron silang promo ngayon na P10 na may unlimited text for 1day at may 5 texts pa sa ibang network.


Matagal ng may remedyo ang mga tao para makatipid sa pagtetext. Ang magkakapamilya, magkakaibigan, magkakapuso pare-pareho na lang sila ng sim, kung smart si tatay at nanay smart na rin si ate, kuya at bunso, kung sun si pagibig sun na din si mahal.


Ang labo ni Gloria labandera! Gustong magpasikat e wala naman ng isisikat! Hindi naman nya madidiktihan ang mga negosyante noh. Kung saan sila higit na kikita doon sila. Hindi yan ang kailangan ng mahihirap at middle class na Pilipino. Mabuti pang karnehin mo ang mga negosyanteng yan na alisin o wag na ipatupad ang pagkakaroon ng expiration date sa load. Ibaba mo ang presyo ng tawag at tawag at text sa mga kababayan natin na nasa ibang bansa. Kapag napapayag mo ang mga negosyanteng yan aba baka bumilib ng konti ang mga nasasakupan mo sayo.