Chapter 1 http://www.tristancafe.com/forum/153729
Chapter 2 http://www.tristancafe.com/forum/153816
Chapter 3 http://www.tristancafe.com/forum/154149
Chapter 4 http://www.tristancafe.com/forum/154184#c6346227
Chapter 5 http://www.tristancafe.com/forum/154250#c6352610
Chapter 6 http://www.tristancafe.com/forum/154378
Chapter 7 http://www.tristancafe.com/forum/154483
Chapter 8 http://www.tristancafe.com/forum/154884

Lara here tcaf folks! I’m here again for another chapter of Vincent’s love story. I hope you’ll continue to tag along as he finds out his true apple of the eye. In behalf of Vincent, we want to show our gratitude to you all by offering this chapter to our readers namely, kelvin1984(sobrang adik sa story, ewan ko baka nakakarelate siya.. peace!), etina (na hindi pa rin pumapalyang magbasa sa story.. Bat di ka na bumalik after mong nabasa?), kay sweettooth19 na nagsabi lang na super bitin..(wala na bang ibang comment??nasa huwisyo ka na ba?hehe), misz masungit na super taray pa rin kahit kelan..(chaka daw super bitin sya e..sorry naman..), kina lila82, marjheoni, drexel1718,aiszle at shidoh who all shared the same sentiment.. BITIN DAW! (baka masuya kayo kapag humaba ang story.. hehehe) and of course sa family ko lalo na mommy anyD ko and sisters ko. All I ask is for your comments para naman ganahan ako sa pagsusulat. Happy reading!!

Sincerely yours,

Lara aka Iversonkoh24


Continuation…

Sino kaya ang lulan ng taxi? Napuno ako ng kuryusidad ng may bumaba na isang lalaki. Naisip kong huwag muna tumuloy kina Jess. Maghihintay muna ako ng tamang pagkakataon. Pinahinto ko na ang taxi malapit sa kanila.

“Boss dito na lang po ako bababa.” Inabot ko ang bayad sa driver at nagmadali akong lumabas.
“Sukli nyo sir!”, habol na sabi ng driver sa akin.
“Keep the change na lang.” Yun lang at lumakad na ako palayo sa taxi. Naghanap ako ng magandang pwesto para makumpira ang mga haka haka ko. Boyfriend ba yun ni Jess? Huwag naman sana! Naisip kong masasayang lang mga pinaghirapan ko. Mula sa aking kinalalagyan, nakita kong lumabas ng bahay si Jess. Napansin kong nakabihis si Jess, lalong umangat ang angking kagandahan sa kanyang suot. Nakangiti nyang sinalubong ang lalaki sa kanilang tarangkahan. Hinalikan ng lalaki ang aking si Jessica sa labi ng makalapit na ito sa kanya. Malapit lang ako sa kanila kaya narinig ko ang kanilang pinaguusapan.

“Hon, sorry kung ngayon lang ako. Nasira kasi yung kotse ko, iniwan ko muna sa talyer para ipagawa. Pasensiya na. Ngayon pa na first time pa nating magdedate.”
“Ok lang yun hon, ang mahalaga nandito ka na. Para sa akin ba mga yan?”
“Oo heto flowers for you tsaka chocolates. Ito namang nasa kahon para sa family mo”,sabay abot ng nobyo ni Jess sa mga dala nito.
“Thank you ha? Tara pasok ka muna sa bahay para makilala mo sila. Mamaya na lang tayo umalis.”

Hindi nakaligtas sa aking paningin ang nakita kong pagakbay ng lalaki kay Jessica. Para akong nabuhusan ng malamig na tubig nung mga sandaling yun. After all this time, meron pala akong kasabay sa panliligaw kay Jessica. Sabagay, sa ganda at seksi nya, walang lalaki na hindi maaakit sa kanya. Sayang lang pala ang porma ko, nageffort pa ako para magpagwapo. Napatingin ako sa dala ko para kay Jess, sayang naman ang halagang 1,500. Anong gagawin ko dito? Matagal na silang nakapasok sa bahay pero di ko pa rin alam kung anong gagawin ko. Di nagtagal, tumunog ang aking celphone. Wala sa loob kong kinuha mula sa aking bulsa ang celphone at binasa ang text sa akin.

One message received

Vince sori now k lng nbsa txt mo. Wg kna pmnta samin, may lkad kc me e. Senxia na po. Tc!

Sender:
Jess
+639095622706

Sent:
07:10:30pm
5-24-06

Gusto ko sanang itext si Jess para sumbatan, pero nagpigil ako. Nagisip ako kung ano ang irereply ko sa kanya. Kailangan kong itago sa kanya na may alam ako dahil gusto ko siya mismo ang magsabi sa akin. Sino ba naman ako para magtanong di ba? Napagdesisyunan kong umuwi na lang para magpahinga, tutal naman wala ng kwenta ang pagpunta ko pa rito.

Jess gnun b?cge ppunta p lng nmn me e. Nxt tym nlng cgro. Ingat k nlng po lgi.

Pumara ako ng taxi para makauwi na. Di ko mawari kung ano ang nararamdaman ko sa mga oras na iyon. Tulala pa siguro ako dahil di ko napansin ng kinausap ako ng driver.

“Saan tayo bossing?”
“Ha?”
Sa pagkakataong yun ay lumingon na ang driver ng taxi sa akin. “Sabi ko bossing, saan ko kayo ihahatid?” Napansin kong tumaaas ang boses ng driver. Di ko na pinansin yun, wala ako sa mood para makipagaway. Sinabi ko ang lugar at bumalik ulit sa pagmuni muni. Naisip kong itext si Arsenio para ipaalam ang nangyari, pakiramdam ko, sasabog ako kapag wala akong ibang pagsasabihan.

Pre, gling me ngaun kna Jess. Pauwi nko.

Nakauwi na ako sa bahay pero wala pa rin akong natanggap na text mula kay Arsenio. Feeling ko ngayon nagiisa ako sa mundo. Wala akong makausap para maibsan itong sakit na nararamdaman ko. Naisip kong uminom muna ng beer bago matulog. Pumunta ako sa kusina para kumuha ng isang bote. Sana makatulong kahit papaano ang beer para makalimutan ko si Jess. Nasa sala ako ng tumunog ang telepono, sino naman ang tatawag sa oras na ito?

“Hello? Sino ‘to?”
“Pare, kumusta ang pagpunta mo kina Jess? Sabi ko na nga ba e, ang tindi mo tol! Meron ka ng Joy gusto mo pang mapunta sa iyo si Jessica! Iba ka idol.”
Napabuntung hininga ako sa sinabi ni Arsenio. “Pre ilang beses ko bang sasabihin na hindi kami ni Joy? Tsaka alam mo namang nililigawan ko pa si Jess di ba?”
“Sorry parekoy! Akala ko kasi kayo na e. Tahimik lang kasi si Joy e. Nga pala, anong nangyari sa lakad mo?”
“Umuwi ako kaagad e.”
“Ha? Umuwi ka kaagad? Bakit naman?”
Inalahad ko kay Arsenio ang nangyari kanina. Di ko rin itinago ang nararamdaman ko.

“Pre, baka di naman puso mo nasasaktan? Baka bulsa, sayang kasi ginastos mo para lang sa kanya hahaha pero kidding aside.. Baka ego lang yan pare..”
“Sa tingin mo? Sabagay parang di naman ako nasaktan ng todo e. Naisip ko lang sayang ang effort ko, matagal ko rin syang niligawan di ba?”
“Oo pare kaya tumigil ka na sa pagsesenti, di mo bagay. Hehehe. Makakahanap ka din ng syota pare. Ikaw pa? Mabilis ka sa chicks.”
“Hoy Arsenio, ayan ka naman! Baka ikaw! Isumbong kaya kita sa gf mo?”
“Pare naman, huwag ganun.. O papaano pare, matutulog na ako nito. Pareho pa tayong maaga bukas.”
“Salamat pre, buti na lang tumawag ka. Sige bukas na lang. Bye.”
“Akala ko kasi nakascore ka na kay Jess, yun pala basted ka na. Sige bukas na lang.”

Tama si Arsenio, baka nga ego lang ang masakit ngayon. Umasa kasi ako na sasagutin nya ako. Narealize ko na di ko pala sya mahal, na gusto ko lang sya dahil sa panlabas na anyo ni Jess. Nabighani lang ako sa ganda nya, mabait din naman siya pero wala akong naramdaman na kakaiba pag magkasama kami. Makaligpit na nga para makatulog na. Maaga pa ako bukas sa trabaho.

To be continued..