Pikon ka…
Nang nilambing kita,
At ang sabi mo:

Hindi tayo mabubuhay
Kung puro sweetness lang.

Kaya…
Dali-dali tayong naghabulan…
Patungo sa altar…
At nagtuksuhan tayo
Ng mga pangako

Doon na natapos ang lahat…
Hahakbang na tayo
Sa masmataas na bahagi ng hagdanan

Nakakatakot ang mag-isa;
Nakalulula sa dalawa

Paglalaruan natin ang magpakailanman
Iiyakan natin ang habang-buhay,
At magtatampo tayo sa walang hanggan,

Nyek…
Matagal pa ‘yon…
Saka na natin isipin…

Ubusin mo na kasi ‘yan…
‘Uwi na tayo.