"Touch me and i will follow
In your after glow
Heal me from all this sorrow
As i let you go
I will find my way
When i see your eyes
Now i'm living
In your after glow.."

-INXS After Glow





Kanina pa tawa ng tawa yung apat na pamangkin ko sa'ken. Ginagaya ko kasi yung boses ni Mike Enriquez at pinaparinig ko sa kanila. Sa maniwala kayo't sa hindi, kayang-kaya kong gayahin yung boses ni Mike Enriquez. Madalas ko kasi syang napapanood sa 24 Oras at Imbestigador Mukha lang nya ang hindi ko kayang gayahin. Ngayon kung tatanungin nyo ko kung baket ko naman napagtripang gayahin e hindi ko alam. Inaaliw ko lang yung mga pamangkin ko dahil mainit ngayon sa bahay namin.


Sobra talaga ang init ng panahon ngayon. Ultimo pinaka-tatago mong singit e magpuputik sa sobrang init. Ayon sa balita, nung isang araw daw ang pinaka-mainit na panahon ngayong taon. Umabot kasi ng 38.8C ang init. Kaya pangkaraniwan na lang sa akin ngayon ang maligo ng lagpas sa dalawang ulit, pangkaraniwan na lang sa akin ang magising sa umaga ng nagpapawis. At pangkaraniwan na lang din saken ang makita ngayon sa mall dahin doon ako nagbababad kaysa sa bahay. Nung isang araw nga, natulog lang akong mag-isa sa loob ng sinehan mula ala-una ng hapon hanggang alas-siyete ng gabi. (praning ba?) Ginawa ko lang naman yon dahil nabagot ako sa bahay namin. Sobra kasing init at walang magawa. Kaya nanood ako ng sine pero hindi ko rin naman gaanong naintindihan yung pinanood ko dahil nakatulog lang ako.



Kagabi naman, habang nanonood ako ng 'Bandila' e napanood ko yung isang balita tungkol doon sa sanggol na 'Dicephalus Twins' na dinala sa Philipine General Hospital mula pa sa Leyte para pag-aralan ng mga doctor. Natuwa ako dahil first time kong makakita sa TV ng Dicephalus Twins. (Para sa mga hindi pa alam ang Dicephalus Twins..)Ito yung tao na dalawa ang ulo pero isa lang ang katawan.. Parang Conjoined Twins din, ang pagkakaiba lang talaga, iisa lang ang katawan nila.



Ayon sa mga doctor ng PGH na sumusuri, malaki daw ang posibilidad na mabuhay ang sanggol na 'Dicephalus Twins' kahit na isa lang ang Puso, Bato, Baga, at katawan nila. Habang pinapanood ko yung balitang yon, hindi ko maiwasang mapaisip na ang hirap siguro ng ganoong sitwasyon. Yung sa isang katawan mo e may nakikihati pang isang ulo. At saka, ang hirap non dahil sa pagsusuot lang ng damit. Nga pala, paano yon?? e iisa lang ang butas ng damit para sa ulo? E di magpapasadya pa sila ng damit na dalawa ang butas para sa ulo nila. Kaya maski papaano, nagpapasalamat ako sa diyos at hindi ako humantong sa ganong sitwasyon.


Pero alam nyo, meron pa akong isang naiisip na mahirap na kalagayan ng mga 'Dicephalus Twins' Alam nyo kung ano yon??




Paano na lang kung yung isa sa mga 'Dicephalus Twins' e bading. Tapos iisa lang ang pototoy nila?

---